أطلق نشطاء، عبر مواقع التواصل الاجتماعي حملة تحت عنوان "ادعم ابن بلدك"، لدعم تجار القدس في البلدة القديمة وأسواقها العتيقة.

واستهدفت الدعوة ليس أهل القدس وحدهم، وإنما لكلّ من يستطيع الوصول إلى المدينة من ضواحي القدس والداخل المحتل، والأهل في الضفة المحتلة ممن يُسمح لهم بالوصول.

وجاء في بيانٍ للحملة: " من الأحد للخميس وفي هذا الأسبوع قبل العيد، بدك لحمة وجاج؟ هي سوق اللحامين في القدس العتيقة (بمعنى أن هناك سوق لهذا الشيء)، بدك بهارات وتوابل وقهوة؟ هي سوق العطارين بدك ملابس وأحذية؟ هي سوق الواد، بدك مخللات وكل شيء ممكن يخطر ببالك؟ هي سوق خان الزيت.. أهلنا في القدس؛ شو بدكم تشتروا رح تلاقوا في أسواق القدس القديمة انزلوا عليها واشتروا من تجارها وادعموهم، في تجار بفتحوا وما بستفتحوا، وفي مئات المحلات مهددة بسبب الوضع الاقتصادي الصعب خلال كورونا.. كل إشي ممكن تحتاجوه رح تلاقوه بالبلد، والأهم إنكم بتتنعموا تشوفوا البلد وتشموا روائحها العظيمة وتغذوا عيونكم بعبق تاريخها، غير إنكم بتكونوا بتدعموا تجاركم وبلدكم".

وأرفق النشطاء عددا من صور أسواق القدس القديمة.